„Не ти е срам да се пишеш Бугарин“, му рекол Спасевски на Пендиков по што го нападнал, рече обвинителката
Секретарот на сега веќе згаснатиот бугарски клуб во Охрид „Цар Борис III“ денеска повторно не се појави на второто рочиште за неговиот напад.
Обвинителството рече дека останува на обвинителството и притоа соопшти детали од самиот ден кога се случил нападот пред една година во Охрид.
Не ти е срам да се декларираш Бугарин. Ова се зборовите кои биле упатени кон Пендиков пред една година, а потоа поради омраза тешко го повредиле. Ова го соопшти јавниот обвинител кој додавајќи дека за се имаат докази и ќе го докажат делото. Одбраната на извршителот кој пат е вработен како учител во основно училиште во Охрид, го негираше обвинението, додавајќи дека обвинетиот не изрекол зборови кои содржеле говор на омраза.
Откако започнале да го напаѓаат, женско лице довикнало дека ќе повика полиција и да го остават детето, по што наводно сега обвинетите одговориле:
„Џабе полиција за Бугари, еден да не остане“.
Според одбраната на Пендиков, тој требало да направи дополнителни здравствени проберки и затоа денеска не е присутен на расправата.
На денешното рочиште се започна со презентирање на писмени докази.
Одбраната на обвинетиот го предложи и таткото на Илија Спасевски, потсетувајќи дека тој спасувал Бугари на денот на бродската несреќа во Охрид и притоа имал добиено благодарница од тогашната бугарска Влада.
