НЕ САКАШЕ ДА СВЕДОЧИ ПРОТИВ СИНОТ: Почина мајката на осомничениот за убиството на Данка Илиќ
Почина мајката на осомничениот за убиството на малата Данка Илиќ, Светлана.
Ненадејно почина мајката на осомничениот за убистото на двегодишната Данка Илиќ во Злот кај Бор, Србија, пренесуваат српските медиуми.
Во соседството ненадејно починала мајката на осомничениот Д.Д., кој се товари за тешкото убиство на девојчето Данка Илиќ.
Таа не сакаше да сведочи против нејзиниот син и се повика на нејзиното право да добие статус на привилегиран сведок.
Светлана претходно за медиумите изјави дека не верува дека нејзиниот син ја убил Данка. Таа истакна дека е болна и во лоша здравствена состојба.
Девојчето исчезна при крајот на март, а потоа полицијата уапси двајца вработени во јавното претпријатие „Водовод“ кои признаа дека со службено возило го удриле детето, а потоа едниот од нив го задавил и телото го фрлиле. Телото досега не е најдено.