Не помина предлогот на Апасиев за надзорна расправа во Собранието за трагедијата во Кочани
Постојаната анкетна комисија за заштита на слободите и правата на граѓанинот не го прифати предлогот на пратеникот Димитар Апасиев за дополнување на дневниот ред со точка за надзорна расправа за трагедијата во Кочани.
Предлогот беше одбиен со девет гласа „против“ и три „за“.
Пратеничката Дафина Стојаноска од ВМРО-ДПМНЕ објасни дека веќе постои иницијатива поднесена до Комисијата за политички систем, но се чека да заврши истрагата и да се објави обвинителниот акт пред да се отвори расправа во Собранието.
Апасиев реагираше дека е несериозно институциите да молчат за трагедија од вакви размери и оцени дека иницијативата е последна можност за институционална дебата.
