„Не Милка, туку Виктор Апостолов ја дизајнираше дискотеката“: Одбраната на Едровска открива ново име – таа била ангажирана само за паркинг!
„Во јавноста се создаде погрешен впечаток дека Милка Едровска е креатор на дискотеката. Тоа не е точно. Таа не ја проектираше дискотеката, туку архитектот Виктор Апостолов од Кочани.“
Ова е клучната теза на одбраната на петтообвинетата Милка Едровска и нејзината фирма „Венци Проект“. Нејзиниот адвокат тврди дека таа е дипломиран градежен инженер, а не архитект за внатрешно уредување, и дека нејзиниот ангажман бил сосема поинаков од она што го тврди Обвинителството.
„Таа дојде за паркинг, а најде дискотека“ Според одбраната, Едровска била ангажирана од инвеститорот (Дејан Јованов) исклучиво за да изготви сообраќајно решение за паркинг места. „При увид на лице место, Милка констатирала дека деловно-магацинскиот простор веќе е преуреден и адаптиран во дискотека. Таа не е творец на тој простор, туку Виктор Апостолов, според чии скици и цртежи првообвинетиот го уредил просторот,“ истакна бранителот.
Одбраната го прозва Јавното обвинителство дека го знае овој факт, но го игнорира. „Зачудува фактот што иако на обвинителот му било познато дека има фактички проектант (Виктор Апостолов), тој не се јавува ниту како обвинет, ниту како сведок. Затоа ние го предлагаме за сведок,“ рече адвокатот.
Бранителот појасни дека објектот првично бил изграден (1999-2001) за лесна индустрија и никогаш немал дозвола за пренамена во угостителски објект. Едровска, иако не ѝ било побарано, во својот елаборат самоиницијативно додала дел за заштита при работа и пожари, опишувајќи што треба да содржи веќе затекнатиот простор.
(Според Обвинителниот акт КО бр. 180/2025)
Милка Едровска (67) и нејзината фирма „Венци Проект“ се товарат за „Тешки дела против општата сигурност“.
Обвинителството тврди дека таа:
