Нејмар не сака да си оди од ПСЖ, сака да остане до 2027 година!
Англиски Њукасл во последниот период се споменуваше како можна дестинација за Нејмар за сума од 50-на милиони евра, зашто ПСЖ сака да го откачи Бразилецот, ама најскапиот светски фудбалер кој има плата од околу 40 милиони евра нема намера да си замине од Париз.
Оваа информација ја објави еден од најпознатите англиски новинари, Дејвид Орнштајн од „Атлетик“, посочувајќи дека Нејмар е цврст во ставот да игра уште четири години и потоа да замине во пензија откако ќе му заврши договорот со парижаните.
Бразилецот во моментов е во процес на рехабилитација откако му беше извршена операција на лигаментите на скочниот зглоб, па за него е завршена сезоната.
Европски медиуми најавуваа после елиминацијата на ПСЖ во осминафиналето во ЛШ од Баерн Минхен, дека триото Нејмар-Меси-Мбапе ќе се растури летово, но Меси веќе преговара за нов договор, а Мбапе има важечки договор до идното лето со опција за уште една сезона.
