„Не кријам дека сакам убави часовници“: Мицкоски им врати на критичарите – „Вие сте талог, ќе објавам колку данок сум платил“
Премиерот Христијан Мицкоски вечерва во дебатниот магазин „Клик Плус“ на ТВ21 жестоко одговори на обвинувањата од опозицијата поврзани со неговите скапи рачни часовници. Тој не негираше дека поседува скапа колекција, но најави дека наскоро ќе обелодени докази за платените даноци, нарекувајќи ги критичарите „талог на општеството“.
Мицкоски истакна дека нема намера да се крие или да се правда за парите што, како што вели, ги заработил чесно работејќи за европски компании пред да стапи на функција.
Коментирајќи ги секојдневните напади и фотографии од неговите часовници што кружат во јавноста, премиерот беше остар:
За да ги замолчи шпекулациите за потеклото на имотот, Мицкоски вети дека во наредниот период ќе излезе со конкретни бројки пред граѓаните.
Мицкоски потенцираше дека сè што стекнал е плод на чесен труд и дека нема да дозволи политичките противници да фрлаат дамка врз неговото семејство.
