„Не го нарушувајте редот или ќе ве отстранам“, судијката Груевска ги искара семејствата на жртвите од „Пулс“ – ги спореди со случајот „Дурмо Турс“
Поради зачестените реакции и дофрлања од јавноста на минатото рочиште, судијката Диана Груевска-Илиевска пред почетокот на денешното побара апсолутна тишина и дисциплина.
Груевска истакна дека правото на одбрана е неприкосновено и дека емоциите не смеат да го попречуваат законскиот тек на постапката.
Во обид да ги смири страстите, судијката направи споредба со друго масовно судење за голема трагедија – автобуската несреќа кај Ласкарци.
Реагираше и адвокатката на Деко која побара на следно нарушување на редот во судницата јавноста да биде исклучена.
