Не е завршено; Нов пуч во Русија?
Член на белоруската опозиција во егзил вели дека се подготвува „топло добредојде“ за членовите на групата Вагнер.
Франак Виакорка, главен политички советник на прогонетата белоруска опозициска функционерка Свјатлана Тихановскаја, изјави за Newsweek дека сите членови на Вагнер групата што ќе се населат во Белорусија ќе се најдат меѓу одмаздољубив Кремљ и непријателско локално население, вклучително и влијателни личности во воениот и безбедносниот естаблишмент на земјата.
Пригожин и илјадници негови борци, наводно, планираат да се населат во Белорусија по краткотрајниот бунт против руските воени власти на крајот на јуни. Иако Путин го осуди бунтот како „предавство“ и се закани со одмазда, на Пригожин му беше понуден договор да ја напушти Русија под заштита на белорускиот претседател Александар Лукашенко.
„Не мислиме дека Пригожин ќе остане долго“, рече Виачорка. „Во Белорусија не е безбедно“, додаде тој. „Белорусија е под контрола на Путин и ако Путин нареди да се убие Пригожин… тоа ќе се случи. Белорусија не е безбедно место, а белорускиот народ нема да го направи безбедно место ниту за Пригожин“, додаде тој.
Неодамнешните сателитски снимки од Planet Labs открија потенцијални воени бази во кои би можеле да бидат сместени Вагнеритите во Белорусија, што предизвикува загриженост во Европа за многу, многу опасна борбена сила која би била на само неколку часа возење од границите на ЕУ и НАТО.
„Лукашенко мисли дека ќе може да ги користи Вагнер и Пригожин како свој личен чувар и заштита, но мислам дека Пригожин има други планови“, додаде Виачорка. “Неговиот апетит е многу поголем од Белорусија. И тој повторно ќе се обиде да го собори Путин. Не може да се исклучи уште еден државен удар. Се уште не е завршено, барем внатре во Белорусија постои такво чувство”, изјави лидерот на белоруската опозиција.
