НЕ Е САМО СКОПЈЕ: Голем интерес за градење и во полошкиот регион, според градежниците ова е добар знак

Почнуваат ли и
останатите градови од Македонија да растат со слично темпо како и главниот
град. Стануваат ли примамливи за градежните инвеститори, или сепак Скопје
останува и понатаму „медот“. Последното соопштение на Државниот завод за
статистика за издадени одобренија за градба покажа дека во ноември 2023 година
биле издадени 318 одобренија за градење, што е за 10,2 отсто помалку во однос
на истиот месец од претходната година.

Сепак, и покрај
помалиот број на издаени одобренија, нивната вредност достигнува 11.726.317
илјади денари, што е за 31,2 проценти повеќе во однос на истиот месец од
претходната година. Ова јасно укажува дека ќе се градат поскапи објекти. Притоа
најголем број одоберенија се за високоградба други 171, потоа следуваат реконстуркциите
со 77 одобренија и нискоградбите со 70 издадени одобренија.  

Со овие
одобренија предвидена е изградба на 655 станови, со вкупна корисна површина од
55.047 метри квадратни. Она што може да се забележи од деталите на нивната
анализа е податокот дека најголем дел од одбренијата за градење се издадени за
главниот град и за Гостивар.

Па така од вкупно
318 одобренија за градење најгмногу се изададени за скопскиот регион, вкупно
64, по што следува полошки со 60 одобренија, па вардарски 48 одобренија. Зад
нив е југоситочен со 39, па југозападен регион со 38 одобренија за градење, па
следува пелагониски со 18 и на крај е североисточен регион со 10 одобренија.

Во Скопје
најголем број градби ќе има во Гази баба и Центар, па следуваат Сопиште и
Аеродром. Додека во  полошкиот регион
најмногу одобренија се издадени за градби во Гостивар и Желино, по што
следуваат Јегуновце, Брвеница и Врапчиште.

Ова покажува дека
има нови трендови и нов интерес за градење во региони кои досега не беа толку
атрактивни.

Дека има промени
во интересот на граѓаните потврдуваат и градежниците и посочуваат дека ваквите
измени се позитивни, и време е да се создадат исти услови и за дугите градови
во Македонија.

– 
Растот
на бројот на одобренија за градење за обејктите кои имаат станбено деловна
намена и кои се градат во регионот Тетово – Гостивар е позитивен тренд од
причина што крајно време беше да се обезбедат услови и ресурси за градба и во
другите градови на Македонија освен во Скопје. Со ова ќе се намали притисокот
во главниот град, нема да се трошат сите ресурси во Скопје и ќе се намали
издавањето на жителства во главниот град. Дополнително, градењето на нови
објекти во Тетово, Гостивар, Битола, Струмица, Штип, Куманово и други градови
во државата е многу добро од причина што така се придонесува за рамномерен
регионален развој на сите 6 региони во Македонија. Исто така се обезбедуваат и
работни места за тие граѓани, се води помирен живот, помалку гужви во сообраќајот
и други предности. Државата треба да води политика на рамномерен регионален
развој, поддршка на земјоделството со што ќе придонесе се повеќе граѓаните од
внатрешноста да живеат таму каде што се, а тоа се гледа од градбата на нови станбени
објекти – објаснува градежникот Никола Велковски.

Велковски за
Фактор истакнува дека треба да се води сметка и добра контрола врз изработените
ДУП-ови од причина што урбанистите многу се наклонети кон инвеститорите и
сопствениците на земјиштето и не ги почитуваат правилниците за просторно и
урбанистичко планирање и Законот за градба.

– 
Во
секоја катастарска парцела се предвидува маркица иако можеби не ги задоволува условите
од Правилникот. Многу густи градби со малку зеленило, осончување, незадоволителен
број на реални паркинг места. Генерален мој став е дека добро е што се гради и
во другите градови и дури пожелено е и да се стимулира тој тренд. Се е тоа во
интерес на задржување и вработување на нашите граѓани таму и да не се врши
притисок врз Скопје и иселување надвор од државата – потенцира Велковски.

П.О.