„НЕ Е ПОБЕДА, ТУКУ ЗАДОЦНЕТА ПРАВДА“: Обвинителството се повлече за „Империја“, Панделевски најавува битка за штетата
Цветан Панделевски е слободен од обвиненијата во случајот „Империја“. По одлуката на Обвинителството за гонење на организиран криминал и корупција (ОЈО ГОКК) да го повлече обвинението, познатиот бизнисмен денеска излезе со писмена реакција, оценувајќи го потегот како „задоцнета институционална потврда“ дека против него никогаш немало докази, но предупреди дека последиците врз неговите компании остануваат.
Панделевски во своето обраќање истакна дека не барал привилегии, туку фер и законска постапка, нагласувајќи дека обвинението паднало бидејќи било правно и фактички неосновано.
Бизнисменот детално објасни како се распаднал случајот против него, кој се водел во два правци:
Со повлекувањето на обвинението, според Панделевски, Обвинителството практично признало дека нема докази за прибавување противправна имотна корист, ниту пак докази дека тој довел некого во заблуда или влијаел врз туѓ имот.
Иако е ослободен, Панделевски вели дека ова не го доживува како триумф.
Тој посочи дека долгогодишниот процес нанел сериозни штети врз неговиот деловен интегритет и врз развојот на неговите компании, кои работеле под притисок и правна неизвесност.
Панделевски најави дека во наредниот период ќе направи детална анализа на штетите – правни, економски и репутациски – по што ќе одлучи како ќе ја бара правдата за нанесената штета.
