НЕ Е „БОЛНА“, САМО НЕ Е НАСПАНА? Германски министер за состојбата на најсилната европска економија

Германскиот министер за финансии Кристијан Линднер на Светскиот економски форум (СЕФ) во Давос како дел од панелот на Блумберг се осврна на зачестените написи дека германската економија е „болна“ и дека тоа прави проблеми како во самата унија, така и на земјите кои не се членки. 

Тој рече дека по многу успешниот период кој започна во 2012 година, неговиот земјата сега повеќе наликува на „уморен човек по непроспиена ноќ“.

Според Линднер, на Германија сега и е потребно „шолја добро кафе“, односно да спроведе структурни реформи и потоа ќе продолжи со економскиот раст.

Во 2023 година, според прелиминарната проценка, германската економија падна за 0,3 отсто на годишно ниво, откако порасна за 1,8 отсто во 2022 година, додека инфлацијата се зголеми за 5,9 отсто на годишно ниво, објави неодамна германската федерална статистичка служба Destatis. 

„Целиот економски развој во Германија запре во 2023 година, во средина која сè уште е оптоварена со кризата“, рече претседателката на Дестатис, Рут Бранд на прес-конференција.