Навивач на Блекпул починал во болница два дена по масовна тепачка со хулигани на Барнли

Тони Џонсон е несреќниот навивач кој добил тешки повреди на главата, откако масовната тепачка избила пред еден паб, а откако бил хоспитализиран, веднаш го ставиле на вешташка вентилација, но не успеа да се избори за својот живот.

Полицијата во Блекпул започна истрага и побара сведоци на настанот да се јават во станица, а веќе е приведен 33-годишен навивач, кој наводно тешко го повредил Џонсон.

Во Англија хулиганското лудило во последните години повторно е во полн ек, особено во Чемпионшип и пониските лиги, а дека злогласните англиски хулигани не се „исчистени“, покажаа и снимките од финалето на „Вембли“ во летото 2021 година, кога се случи масовно стампедо од кое имаше многу повредени, но без загинати, откако навивачи без влезници се обидоа, а некои и влегоа за финалето на Еуро 2020.