„НАСТЕЛ“ ПРОДОЛЖУВА ДА ГО НАМАЛУВА СОПСТВЕНИЧКИОТ ПРОЦЕНТ ВО „РЕПЛЕК“ – кои други инвеститори купуваат акции во фармацевтската компанија

Сопственичките промени во „Реплек“ продолжуваат и оваа година. Компанијата извести за нови прегрупирања, од кои секако дека најзначајна е онаа дека „Настел“ продолжува да продава акции, а купуваат други заинтересирани инвеститори. 

Имено, компанијата извести дека Настел продолжил да продава акции и сега има 6,85 отсто од акциите, додека, пак, со 20 нови акции се стекнал Петар Андреевски, член на Надзорниот одбор на таа компанија. 

„Согласно Глава 6 од Правилата за котација, известуваме за следната ценовно чувствителна информација: Постапувајќи согласно член 38 од Правилата за котација на Македонска берза АД Скопје, Реплек АД Скопје објавува дека акционерот со над 5 отсто односно компанијата Настел ДООЕЛ продаде 119 акции, со што поседува вкупно 17.747 или 6,85 отсто од вкупниот број на акции. Членот на Надзорниот Одбор на Реплек АД Скопје, Петар Андреевски се стекна со 20 нови акции при што вкупно поседува 30 акции“, се вели во објавата од фармацевтската компанија до инвеститорската јавност, преку Македонската берза.