„НАСТЕЛ“ ПРОДАВА, ЧЛЕНОВИТЕ НА УПРАВЕН ОДБОР КУПУВААТ – сопственички промени во „Реплек“, еве кој ги зајакнува позициите
Членот на Управниот одбор, Коста Котески купил 10 нови акции, при што вкупно поседува 360 обични акции, додека, пак, Панче Галевски, исто така член на УО, се стекнал со 5 нови акции, и сега има 305 обични акции, а уште еден нивни колега, членот на УО Марјан Велковски, купил 10 нови акции и сега има 40 обични акции како свое акционерско портфолио.
А, како што извести компанијата преку Берзата, акционерот „Настел ДООЕЛ“ во овој меѓупериод продал 97 акции, по што сега поседува вкупно 21.498 или 8,29 отсто од вкупниот број на акции.
Покрај овие акционери со над 5 проценти од капиталот, според најновата состојба на Централниот депозитар за хартии од вредност, други позначајни акционери се Сава Пензиски фонд, кои располагаат со 6,4 отсто од капиталот, потоа компанијата Ситко Антонио има 6,37 отсто, а лабораторијата Биотек располага со 6,3 отсто од акционерскиот капитал.
Самата компанија Реплек, пак, држи 8,14 отсто од капиталот во форма на сопствени акции.
Н.Н.Ф.
