Наставата во Чашка до крајот на учебната година ќе се реализира во постојаниот објект по адаптирани наставни програми
Владата ја разгледа и усвои Информацијата од Министерството за образование и наука за давање позитивно мислење за основање на општинското основно училиште во општина Чашка како трајно решение и даде позитивно мислење.
Наставата на сите ученици во основното училиште „Тодор Јанев“ во општината, времено, односно до крајот на учебната година, ќе се реализира во постојниот објект и по адаптирани наставни програми.
Решението за продолжување на воспитно – образовниот процес во училиштето, на сите ученици и на нивниот мајчин јазик е изнајдено преку дијалог инициран од премиерот Талат Џафери, во координација на Министерството за образование и наука, а со учество на пратеници од сите политички партии, претставници на локалната самоуправа и засегнатите страни за решавање на прашањето.
