НАРОДНА БАНКА БАРА НОВИ КАНДИДАТИ ЗА РАБОТА – еве ги деталите од огласот

Централната банка бара
нови кандидти кои сакаат да работат заедно со нивниот тим. НБРМ објави нов
оглас со кој се бараат заинтересирани кои би пополниле две работни позиици.
Иако платите не се екстра високи, сепак воопшто не се за отфрлање. Кандидатите
кои ќе ги исполнат критериумите за вработување во Народна банка ќе има плата од
38.526 денари.

Имено централната банка
објави оглас на својата веб страна за прием на две лица, кои ќе работат на две
различни позиции. НБРМ бара еден извршител во Дирекцијата за теренска
супервизија на работно место „помлад супервизор почетен II степен“. Втората позиција за која се бараат кандиат е во дирекцијата за
статистика на работно место „помлад статистичар почетен II  степен“ во отсекот за изготвување и објавуање екстерни статистики.

Заинтересирани треба
да се државјани на Македонија, да се полнолетни, да имаат општа здравствена
способност за работното место и да не им е изречена казна забрана за вршење
професија, дејност или должност.

Покрај општите
услови треба да има завршен факултет од областа на економските науки,со најмалку 180 кредити
(VIБ), работен стаж не се бара, но потребно е познавање
англиски јазик, работа со компјутери
познавања од областа на работењето на Народната банка.

Кандидатите за позиција
помлад супервизор ќе бидат тестирани за нивните стручни знаења, англиски јазик
и работа со компјутер. Кандидатите за работното место помлад статистичар ќе
бидат тестирани за нивните познавања од областа на работењето на Народната
банка. 

Кандидатите треба
да достават пријава и изјава за согласност за обработка на лични податоци,
кратка биографија, препораки за професионално искуство и меѓучовечки односи од
претходните и тековните работодавачи, доказ за државјанство издаден од
надлежниот орган, потврда од надлежен орган (Централен регистар или надлежен
суд) којашто изречно ќе гласи дека на лицето не му е изречена казна, забрана за
вршење професија, дејност или должност, не постара од шест месеци пред денот на
поднесувањето на пријавата, диплома или уверение за завршено образование, доказ
за работен стаж само доколку го имаат од Фондот за пензиското и инвалидското
осигурување и доказ за познавање на англискиот јазик и доказ за познавање
работа со компјутери.

– 
Во согласност
со Колективниот договор на ниво на Народната банка, со кандидатите коиимаат работен стаж и за првпат склучуваат договор за
вработување со Народната банка, ќе се склучи договор за вработување на
определено време со вршење пробна работа во времетраење од 1 месец, а доколку
кандидатите немаат работен стаж, ќе се склучи договор за вработување на
определено време со вршење на приправнички стаж во времетраење од најмногу 12
месеци.Договорот за вработување склучен на определено време,
може да се продолжи со анекс кон Договорот, во согласност со одредбите од
Законот за работните односи – стои во огласот.

Висината на
основната нето плата за работните места ќе изнесува 38.526
денари, но за време на пробната работа висината на основната нето плата
изнесува 50 отсто, односно 19.722
денари, а за време на приправничкиот стаж изнесува 70 проценти од основната нето
плата, односно 27.238 денари.

Рокот за
доставување на документите изнесува седум работни дена, сметано од наредниот
ден од денот на објавувањето на огласот, а изборот на работниците кои ќе
засноваат работен однос ќе се изврши во рок од 45 дена по истекот на рокот за
пријавување.

П.О.