Напад во училиште во Франција: Убиен наставник, двајца повредени!
Утрово маж со нож уби наставник и тешко рани две лица во средно училиште во Арас, на северот на Франција, соопштија полициски извори.
Напаѓачот извикал „Алаху акбар!“ (Господ е голем).
Францускиот министер за внатрешни работи Жералд Дарманен потврди на мрежата Х дека напаѓачот е уапсен.
Француското обвинителство за борба против тероризмот ќе отвори истрага во врска со денешниот напад со нож во гимназијата во градот Арас, во кој едно лице загина, а неколку други беа повредени, а се појавија и видео снимки од немилиот настан.
Медиумите објавија дека напаѓачот пред инцидентот извикал „Алаху Акбар“, но полицијата се уште не го потврдила тоа. Во меѓувреме на социјалните мрежи се појави драматично видео од нападот во училиштето. Во еден момент се гледа дека човекот кој на крајот бил избоден од напаѓачот се обидел да се одбрани со стол, по што се лизнал и паднал. Убиецот потоа почнал да го боде со нож.
Според полицијата, напаѓачот е по потекло од Чеченија и е во полициската евиденција. Осомничениот и неговиот брат се уапсени, пренесува БФМ, додавајќи дека напаѓачот има околу 20 години и е поранешен средношколец.
Францускиот претседател Емануел Макрон и министерот за внатрешни работи Жералд Дарманен, како и министерот за образование Габриел Атал отишле на местото на нападот, јавува телевизиската станица БФМ.
Сите училишта во Арас се затворени по денешниот напад.
