НАМЕСТО ВО ЌЕЛИЈА, КРИПТО КРАЛОТ ЗАВРШИ ВО ЛУКСУЗЕН СТАН – еве колку кауција му беше понудена на судот

Основниот суд во Подгорица ја прифати кауцијата од по 400.000 евра за обвинетите државјани на Јужна Кореја, До Квон, „кралот на криптовалутите“ по кого беше распишана меѓународна потерница, како и неговиот соработник Хон Чанд Јун и нареди да бидат ослободен по уплата на парите.

Обвинителството се спротивстави на ослободувањето на Квон и наведува дека Квон, обвинет во САД и Јужна Кореја за измама од 40 милијарди долари, наместо во ќелија во затворот во Спуз, ќе заврши во луксузен стан, пренесе РТЦГ.

Судот наложи двајцата обвинети да бидат следени – забрана за напуштање на станот, која ќе ја спроведува полицијата.

Што ќе се случи ако избега?

– Доколку обвинетите избегаат или ја прекршат мерката надзор, кауцијата се одзема и се внесува во посебна ставка од буџетот за работа на судовите – се наведува во соопштението.

До Квон е нашироко познат како „Кралот на криптовалутите“ и тој беше предмет на меѓународна потерница за измама од 40 милијарди долари.

Тој и неговиот соработник беа уапсени во март, додека со приватен авион од аеродромот во Подгорица се обидувале да летаат за Дубаи.

Надлежните тогаш официјално соопштија дека тој со лажни документи се наоѓа во Црна Гора.

Министерот за правда Марко Ковач на 29 март изјави дека екстрадиција на уапсените бараат Јужна Кореја, но и Соединетите Американски Држави.

(Танјуг)