Намален кредитниот рејтинг на Град Скопје од стабилен во негативен

Намален е кредитниот рејтинг на Град Скопје. Глобалната рејтинг агенција „Стандард и Пурс“ го ревидираше кредитниот рејтинг на Градот од ББ со стабилен изглед во ББ со негативен изглед.

Како што се вели во образложението од агенцијата, кредитниот рејтин е ревидиран бидејќи ‘постојат ризици дека моментално ниските нивоа на готовина во Град Скопје нема да закрепнат без да се продолжи со акумулирање на доспеаните обврски‘.

Со доаѓањето на функција на градоначалничката Данела Арсовска финансиската состојба на Градот е влошена. Во мај годинава беше блокирана сметката на Град Скопје. Буџетската сметка преку која се вршат сите плаќања кон доверители, се делат плати на вработени, се префрлаат пари за субвенции на јавните претпријатија беше блокирана поради долг на Градот. Поради лошата финансиска состојба долгот не можеше веднаш да се наплати па затоа сметката беше блокирана.