НАГРАДИ ЗА ЛОЈАЛНОСТ, ПРИВАТНО ЗДРАВСТВЕНО ОСИГУРУВАЊЕ, ПОСТОЈАН РАСТ НА ПЛАТИТЕ – еве зошто „Алкалоид“ најпосакуваниот работодавач

Веќе не е новина дека нашиот фармацевтски гигант „Алкалоид“ важи за компанија која е еден од најпосакуваните работодавачи во Македонија. Младиот, едуциран, стручен и надежен кадар кој решил да остане во државава, преферира да се вработи во „Алкалоид“, а тоа го покажуваат и бројни анкети направени на пазарот на трудот.  

Инаку, според јавно објавените податоци на оваа реномирана македонска компанија, „Алкалоид“ брои 2.155 вработени во државава, но и 688 лица вработени во подружниците и во претставништвата надвор од Македонија.

Задоволството на вработените во „Алкалоид“ новинарите имаа прилика да го согледаат и на лице место, на отворањето на новиот погон за производство на цврсти фармацевтски форми Таблетно одделение 2.0 и придружните технички простории, што е всушност најновиот капитален проект на ова акционерско друштво, вреден 19,4 милиони евра.

Зошто „Алкалоид“ важи за еден од најпосакуваните работодавачи, Фактор побара и став од самата компанија, а еве каков е нивниот одговор. 

„Алкалоид“ е компанија која негува стимулирачка работна средина, во која работат и придонесуваат кон успесите вистински професионалци. Поради тоа на своите вработени секогаш се трудиме да им обезбедиме постојано подобрување на работното опкружување за да се чуствуваат ценето и вреднувано.

Во прилог ги споделуваме бенефициите кои им следуваат на нашите вработени:

– Обезбедено доброволно приватно здравствено осигурување со вклучени дополнителни превентивни здравствени прегледи и посебни поволни услови за членовите на семејствата на вработените

– Организиран превоз за дел од вработените на нај фрекфентната локација на нашата компанија

– Бенефиции за деца на вработените – субвенциониран износ за воншколски активности на децата

– Новогодишен линеарен надоместок за секој вработен

– Исплата на регрес за годишен одмор во износ над законски утврдениот минимум на ниво над последно објавената просечно исплатена плата во тромесечие   

– Награди за вработените за лојалност и награди согласно правилникот за наградување

– Дополнителни надоместоци согласно вклученост во успешно завршени интерни проекти

– Годишен пораст на плата за сите вработени согласно економски показатели и инфлација

– Годишен наменски буџет за едукации и стручни доусовршувања на вработените

– Редовни тим билдинзи на сите организациски единици

– Можности за кариерен развој на вертикално и хоризонтално ниво преку различни програми на ниво на компанија

– Тренинг центар со тренинг лабораторија, наменети за едукација на вработени, како и студенти и ученици од програмата за млади таленти на Алкалоид АД Скопје

– Обезбедени најсовремени мерки и континуирано инвестирање во заштитата и безбедноста на здравјето на вработените

– Обезбеден избор на храна за вработените во објектите каде имаме организирана исхрана, а за вработените што не користат организирана исхрана доделен соодветен паричен надоместок за хранарина

– Редовно мерење на задоволството на вработените и имплементација на побараните предлог мерки од истото-

– За членовите на синдикалната организација при Алкалоид АД Скопје овозможено плаќање на рати во десетици компании и повластени ценовни политики

– Подароци за секое новороденче на вработен од компанијата

– Новогодишни пакетчиња за децата на вработени

– Спортски активности – бесплатно користење на спортски сали во одредени термини

– Кафетерија во рамки на компанијата

– Обезбеден паркинг за велосипеди и мопеди

– Во услови на корона обезбедени тестирања од страна на компанијата и нај високо ниво на заштита во работните простории