НАФТА ЌЕ ИМА СЀ ПОМАЛКУ Земјите извознички повторно ја намалуваат прогнозата
Во својот последен декемвриски месечен извештај објавен деновиве, Организацијата на земјите извознички на нафта (ОПЕК) ја намали својата прогноза за глобалниот раст на побарувачката на нафта во 2024 година, петти пат по ред.
Нафтениот картел со седиште во Виена сега очекува глобалната побарувачка на нафта да се зголеми за 1,6 милиони барели дневно (bpd) оваа година, што е помалку од ноемвриската проценка за раст на побарувачката од 1,81 милиони барели дневно.
Ревидираниот раст на светската побарувачка е првенствено последица на послабата побарувачка за енергетски производи во Кина, но и во Америка и во азиско-пацифичкиот регион, пренесува Ројтерс.
Споменатиот раст на побарувачката е сè уште над историскиот просечен раст на побарувачката од 1,4 милиони барели дневно, забележан пред пандемијата на корона вирусот.
Во декемврискиот извештај, ОПЕК, исто така, малку ја ревидираше надолу прогнозата за раст на побарувачката на нафта во 2025 година за 90.000 барели дневно на 1,4 милиони барели дневно.
Светските цени на нафтата паднаа за 17 отсто од почетокот на јули, пишува Танјуг.
Во прогнозата на картелот ОПЕК, истовремено се додава дека светскиот економски раст годинава ќе изнесува 3,1 отсто и благо ќе се намали на три отсто во 2025 година.
