Над 230 загинати во железничка несреќа во Индија
Повеќе од 230 луѓе загинаа, а повеќе од 900 се повредени во железничка несреќа во индиската држава Одиша. Се очекува бројот на загинати да се зголеми.
Вчера во 19 часот по локално време се судрија два патнички воза. Експресен воз кој сообраќал од Бангалор до Хаура во Западен Бенгал излетал од шините и се судрил со експресен воз кој сообраќал од Калкута до Ченаи.
На местото на настанот се испратени 200 возила на брза помош и 180 лекари. Стотици се наредени пред владината болница во Одиша за да даруваат крв.
Главниот министер на Одиша, Навен Патнаик, рече дека приоритет на властите во моментот е да ги превезат живите во болниците. Тој денеска го прогласи за ден на жалост во спомен на жртвите.Според Indian Railways, нивната мрежа обезбедува патување на повеќе од 13 милиони луѓе секој ден. Сепак, инфраструктурата старее и не е безбедна.
