На железничката станица во Грција пред несреќата имало журка?
Има сведоштва во Грција дека на железничката станица пред несреќата имало журка.
Адвокатот на еден од повредените во несреќата кај Темби, Јоргос Барцокис, вчера соопшти вакви информации. Од просториите на станицата по 23 часот се слушала гласна музика две вечери по ред. Адвокатот ќе ја разгледа можноста да покрене судски спор со неговиот клиент, кој се здоби со повеќе повреди во судир на воз.
„Веднаш по излегувањето на возот од Атина од станицата во Лариса, во просториите на станицата, или во просторот пред влезната врата, се слушаше гласна музика и се слушаа извици, како што е вообичаено на забавите“, рече Барцокис.
По наредба на надлежен обвинител, вчера специјалните единици на полицијата од Лариса ја блокираа станицата и извршија детален преглед на сите достапни документи, компјутерски досиеја и извршија опсежен распит на сите вработени. При судир на два воза загинаа најмалку 57 луѓе.
Шефот на станицата во Грција кој е осомничен во железничката несреќа, во судот призна дека погрешил.
