Најтопло во Гевгелија, Демир Капија и Велес со температура од 43 степени!

Денешниот ден помина под влијание на топол бран со сончево и екстремно топло време низ цела Македонија.

УХМР информираше дека на сила е црвен метео аларм низ цела држава.

Највисока температура денеска е измерена во Гевгелија, Демир Капија и Велес, каде живата во термометарот достигна вртоглави 43°C.

Од друга страна, најсвежо беше на Попова Шапка, каде беа измерени 26°C, и во Лазарополе и Крушево со 33°C.

„26 степени на Попова Шапка, 33 во Лазарополе, Крушево, 34 во Маврови Анови, 35 во Охрид, 36 во Берово, 37 во Претор, 38 во Крива Паланка, Прилеп, 40 во Тетово, Битола, Штип, Виница, 41 во Струмица, 42 во Скопје-Зајчев Рид, Скопје-Петровец, Кавадарци“, велат од УХМР.

Граѓаните се повикуваат на внимателност, редовна хидратација и избегнување изложување на сонце во најтоплите делови од денот.