НАЈСКАПИ ГРАДОВИ ЗА ЖИВОТ ВО СВЕТОТ: Швајцарија во самиот врв

Швајцарските градови се едни од најскапите за живот во светски рамки. 

Неколку од првите 10 најскапи градови за живеење се во Швајцарија – Цирих, Женева, Базел и Берн. Тие се наоѓаат на третото, четвртото, петтото и шестото место.

Хонг Конг ја задржа титулата најскапо место за живот и престој – на светско ниво, во истражувањето на „Мерсер“ за 2024 година. Топ-листата беше објавена во понеделникот, па кинескиот град, исто како и во 2022. и 2023 година, и овојпат го зазеде местото број 1., додека  Сингапур е на второто место.

Земени се предвид 226 градови. Споредени се цените за превоз, храна, облека, предмети за домаќинството и забава. Така, Њујорк е најскапиот град во САД, и го зазеде место бр. 7 на листата. Главниот град на Велика Британија, Лондон беше рангиран на 17-то место минатата година, а сега е на бр. 8. Насау, на Бахамите, е на деветтото место, а Лос Анџелес ги заокружува првите 10 градови.

foto freepik.com