НА ПАЗАРОТ НЕМА МАЛИ, ПОЛОВНИ АВТОМОБИЛИ – еве само што може да се купи за помалку од 15.000 евра
На германскиот пазар за нови автомобили има недостиг од помали и достапни возила, чии цени се зголемени поради слабата понуда, објавија во неделата германските медиуми, додавајќи дека германскиот автомобилски клуб ADAC ја критикува ваквата ситуација.
„Порастот на цените на автомобилите и крајот на производството на многу помали модели од страна на производителите влијае на недостатокот на достапни автомобили на пазарот“, велат од најголемиот европски автомобилски клуб ADAC.
ADAC ги критикува производителите на автомобили бидејќи речиси и да не пласираат помали модели на пазарот. Компаниите Volkswagen и Peugeot го прекинуваат производството на нивните помали модели Up и 108.
„Сите четири помали модели, Dacia Sandero, Fiat Panda, Citroen C3 и Mitsubishi Space Star, сега ја надминаа ценовната граница од 10.000 евра и се единствените модели што не ја надминуваат границата од 15.000 евра“, се вели во соопштението за медиумите.
Повеќето од овие модели со само неколку делови дополнителна опрема ја надминуваат границата од 15.000 евра. Во 2019 година, Dacia Sandero чинеше околу 7.000 евра со основна опрема.
Критикувана е и неможноста да се набави дополнителна безбедносна опрема како што се страничните воздушни перничиња. Од четирите наведени помали модели, само Mitsubishi ја нуди оваа опција, но со дополнителна цена и во пакет од 6.800 евра.
Од четирите модели под 15.000 евра, нивото на квалитет на два модели, Dacia Sandero и Citroen C3, исто така падна во споредба со најновата евалуација на ADAC.
Пословни.хр
Фото: ЕПА
