Најмалку двајца мртви во трагедија по роденденска прослава: Потрагата по исчезнатите продолжува
Роденденска прослава на брод во водите на езерото Маџоре се претвори во катастрофа.
Најмалку две лица загинаа откако брод со повеќе од 20 патници, главно туристи, се преврте и потона во водите на езерото Маџоре во северна Италија , објавија локалните медиуми.
Бродот се превртел во неделата вечерта меѓу градовите Сесто Календа и Арона поради лошото време и силниот ветер, а медиумите јавуваат дека две лица од чамецот се водат за исчезнати.
Италијанската противпожарна служба соопшти дека 19 лица се спасени и безбедни, но потрагата по исчезнатите продолжува , јавуваат агенциите.
Атилио Фонтана, претседател на регионот Ломбардија, рече дека „многу сериозен инцидент“ се случил поради лошите временски услови и потврди дека бродот што го изнајмиле туристите бил долг 16 метри.
Медиумите јавуваат дека на бродот имало 25 луѓе кои славеле роденден , но поради силниот ветер и брановите бродот се превртел и набргу потонал.
Сите што биле на пловилото паднале во водата, повеќето успеале да допливаат до брегот, а некои биле извлечени од езерото и со чамци кои биле пронајдени во близина биле извлечени на брегот.
