На колку години Германците одат во пензија?
Германците лани оделе во пензија на просечна возраст од 64,4 години.
Тие се пензионираат две години подоцна отколку во 2001 година, покажуваат податоците кои ги објави Германското здружение за пензиско осигурување во вторникот.
За споредба, во 2021 година мажите во просек се пензионирале на 64,1 година, а жените на 64,2 години. Лани просечната старосна граница за пензионирање за двата пола била 64,4 години. Меѓутоа, во 2001 година, мажите се пензионирале на просечна возраст од 62,4 години, а жените на 62,5 години.
Но, германските пензионери добиваат бенефиции во просек подолго од претходно, бидејќи и тие живеат подолго. Минатата година мажите земале просечна пензија во текот на 18,8 години, слично како во 2021 година, но подолго од 16,7 години отколку во 2012 година. Жените во 2022 година ја добивале пензијата просечно 22,2 години, нешто подолго отколку во 2021 година.
Германското здружение за пензиско осигурување го припишува подолгиот пензиски период на зголемувањето на животниот век.
„Иако зголемувањето на општиот животен век е многу добредојден факт, тој претставува и предизвик за грижа во староста“, наведуваат од пензиското друштво.
Овој ефект ќе биде пригушен со постепено зголемување на старосната граница за пензионирање на 67 години до 2031 година. Главниот фактор за подоцнежното пензионирање не е само зголемената возраст за пензионирање, туку и постепеното укинување на пензиите за предвремено пензионирање.
Во Франција граѓаните протестираа поради зголемувањето на старосната граница за пензионирање.
foto freepik.com
