На грчкиот остров Хиос евакуирани 15 населби
На грчкиот остров Хиос во Егејското Море, инаку петти по големина во земјата, пожар беснее на три фронта веќе 48 часа, додека грчките власти испратија пораки до граѓаните да ги евакуираат подрачјата Реста и Аја Параскева во Кариос во два наврати од утрово во 6:00 часот по локално време.
Денес, со првата дневна светлина, противпожарните авиони повторно беа активирасни, а дополнителни противпожарни сили беа донесени на островот со бродови од пристаништето Пиреја, објавува порталот Катимерини.
Пожарот избувна вчера во раните попладневни часови, исто така во областа Кофинас, под манастирот Панагија Вотеа, но набрзо се прошири во три различни правци.
„Пожарот формира кордон околу градот, а налетите на ветерот на некои места достигнуваат 8 бофорти, што ја отежнува интервенцијата, додека во некои населби имаше прекин во снабдувањето со електрична енергија“, пренесува Грција Инфо.
Досега, 190 пожарникари, 38 возила и четири авиони се вклучени во операцијата за гаснење пожар, но се очекуваат дополнителни засилувања.
Од неделата се евакуирани уште околу 15 населби.
