На Цветници ќе се осветува 63-метарскиот крст во скопско Драчево

Во недела на Цветници ќе биде осветен македонскиот Крст во Драчево.

– Заедно со Светски Македонски Конгрес за сите присутни се потрудивме настанот да помине во добра и пријатна атмосфера за која ќе се погрижат Огнен Здравковски, Миле Кузмановски, Бојана Скендеровски како и мешаниот камерен хор „Свети Климент Охридски“. Потоа, следува она што ќе го запише историјата – во 12 часот е чинот на осветување на Крстот изграден со многу љубов и големи заложби кое ќе го изврши Неговото блаженство – Архиепископот охридски и македонски и на Јустинијана прва, г.г. Стефан. Дојдете заедно да посведочиме за овој прекрасен настан, на едно од најголемите православни градби во светот со кој го градиме и нашиот национален идентитет – вели градоначалникот на општина Кисела Вода, Орце Ѓорѓиевски.