НА БЕРЗАТА НАВАЛИЦА ЗА АКЦИИТЕ НА „ГРАНИТ“ – инвеститори вложија 170 илјади евра преку четири блок трансакции

Дефинитивно
македонските компании кои котираат на берзата се интересни за инвеститорите, а
доказ за тоа се се поголемиот број блок трансакции со кои се продаваат акции за
познат купувач. Тоа говори дека инвеститорската јавност е заинтересирана да
вложува во домашните акционерски друштва кои имаат здрав бизнис и солидни
перспективи за натамошниот период.

Минатата недела ја
одбележаа четири блок трансакции со акциите на нашата најголема градежна
компанија „Гранит“.

Во три наврати
преку овие блокови беа истргувани акции за вкупна сума од близу 168 илјади
евра.

Засега нема
информации кој купува, а кој продава акции од оваа градежна компанија, но факт
е дека некој верува дека учеството во нејзината сопственост е исплатлива
инвестиција.

Првата блок
трансакција се случи во втпорникот, кога беа продадени за познат купувач акции
на сума од над 33 илјади евра.

Поточно, се продадоа
1.700 акции по цена од 1.200 денари за акција, или вупна платена цена за овие
акции е 33.170 евра.

Наредниот ден
помина уште еден блок од 2.000 акции по слична цена од 1.190 денари за акција,
или вкупно околу 37 илјади евра.

Петокот, пак,
како последен ден од работната недела, се случија два блока, и тоа во едниот
беа истргувани 1.963 акции по цена од 1.190 денари или безмалку 38 илјади евра,
и уште еден поголем блок со вредност од над 58 илјади евра, односно се
истргуваа 3.000 акции, по цена од 1.190 денари за акција.

Последното
тргување на редовниот пазар на берзата со акциите на „Гранит“ било во
вторникот, односно 13 февруари, кога се продадени солидна количина од 2.500
акции, по цена од 1.200 денари за акција. Или вкупно се истргувале акции за
околу 49 илјади евра.

Според состојбата
на Централниот депозитар за хартии од вредност, на почетокот на минатата
недела, Зоран Милковски кој е и главен извршен директор на компанијата
располагал со 9,67 отсто од капиталот, а Ивана Милковска-Симевска, која
располага со 9,17 проценти од капиталот.

Белградската
компанија Бард коп располага со 5,06 отсто од акциите, додека „Гранит“ има
сопствени акции од 9,81 процент.

„Гранит“ е една
од топ десетте македонски компании според пазарната капитализација. На крајот
на јануари таа изнесувала 58 милиони евра, што значи дека толку пари би морал
да плати некој имнвеститпор доколкју сака во исти момент да ги откупи акциите
на оваа наша градежна компанија.

Акцијата на
„Гранит“ е и една од најтргуваните на Македонската берза, и исто така беше во топ десетте тргувани акции за јануари.

Н.Н.Ф.