На 37 години, Ѓоковиќ првпат ќе игра во финале на Олимписките игри

Тоа ќе биде и негова последна шанса да освои злато на ова манифестација и вкупниот вториот медал во кариерата, по бронзата во 2012 година, но уште поважно, ќе има можност да ги комплетира сите одличја во светот на тенисот. За пласманот во финалето, Ѓоковиќ денеска го победи Лоренцо Музети од Италија со 2-0 (6-4, 6-2).

Од конечниот резултат може да се добие впечаток дека Ѓоковиќ имал лесна работа, но во суштина не беше така. Мечот траеше 110 минути, во првиот сет Србинот направи брејк дури во 10. гем, а вториот почна со четири брејка, по два на двете страни. Дури по 2-2, Музети комплетно падна и Ѓоковиќ со четири гема по ред дојде до победата.

Ова значи дека тој има сигурно сребро од Олимписките игри што ќе биде негов најголем успех на оваа манифестација, но против Карлос Алкараз во финалето ќе се обиде да дојде до златото.