На 29-ти месецов гласање за уставни измени?
На 29-ти месецов најверојатно собранискиот спикер Талат Џафер ќе го закаже продолжението на седницата, на која единствена точка на дневен ред се уставните измени, дознава 4NEWS.mk
Според наши информации предлогот ќе го поддржи албанската опозиција и дел од пратениците од ВМРО-ДПМНЕ.
Пред една година Фон Дер Лајен беше исто во Скопје кога даде поддршка на скрининг процесот кој се спроведува во земјава.
Посетата денеска ја потврди и евроамбасадорот во земјава Дејвид Гир.
Последните пораки на францускиот претседател Емануел Макрон од Тирана навестуваат дека во декември може да има разделување на пакетот Скопје – Тирана, додека Гир денеска уверуваше дека Македонија ужива голема поддршка како од европските институции, така и од самите земји-членки на Европската Унија.
„Мислам дека има силна поддршка за иднината на Северна Македонија во Европската Унија, како од европските институции, така и од членките на Европската Унија. Во јули 2022 година имаше усогласен европски предлог, како можност за отворање преговори со вашата земја. Од друга страна, ова беше можност земјата да оди напред, а за тоа да се случи мора да се одобрат уставни измени. Искрено се надеваме дека земјата ќе може да продолжи со уставните измени, но не само ова, туку и со спроведување на реформите кои всушност се дел од интеграцискиот пат на вашата земја“, изјави Гир.
