Муцунски за повлекувањето на Мицкоски: Партијата сакаше да го смениме Статутот за да остане, но тој одби – дали министерот е следниот лидер?
Одлуката на Христијан Мицкоски да се повлече од лидерската позиција во ВМРО-ДПМНЕ по завршувањето на третиот мандат е реткост во светската политика и потег за почит, смета министерот за надворешни работи и потпретседател на партијата, Тимчо Муцунски.
Во интервју за „360 степени“, Муцунски открива детали од „кујната“ на ВМРО-ДПМНЕ, признавајќи дека членството вршело притисок да се смени Статутот за Мицкоски да остане на чело и понатаму, но лидерот останал доследен на принципите.
Муцунски вели дека често разговарале на оваа тема и признава дека очекувал поинаков исход, со оглед на популарноста на партијата и изборните резултати.
Тој додава дека ваквата одлука, да се најави заминување по четири години во екот на најголема моќ, е нешто што „нашата држава не го памти, а ретко се гледа и во светски рамки“.
На директното прашање дали тој лично има амбиција да влезе во трката за наследник на Мицкоски, Муцунски даде дипломатски, но искрен одговор.
Според актуелниот Статут на ВМРО-ДПМНЕ, претседателот на партијата може да извршува најмногу три мандати, правило кое самиот Мицкоски го воведе и сега инсистира да се почитува.
