МУ ИЗМЕРИЛЕ 1,22 ПРОМИЛИ АЛКОХОЛ, А ТРЕБАЛО ДА ВОЗИ СРЕДНОШКОЛЦИ ОД ЗАГРЕБ ДО ПРАГА: Пијаниот возач бил заменет со друг

Околу 6.00 часот
утринава загрепската полиција извршила редовен преглед на автобусот кој
требало да ги превезе средношколците од Нови Загреб на пат за Прага. Оваа
контрола, напоменува полицијата, е дел од долгогодишната соработка меѓу
полицијата и образовните институции за обезбедување на безбедноста на децата во
сообраќајот.

На авенијата Вечеслав Хољевац, по барање на училиштето,
полицијата извршила превентивен технички преглед на автобус со вараждински
регистарски ознаки, сопственост на правно лице, управуван од 54-годишен возач.
При увидот, на возачот му е извршено и алкотестирање пред да го започне
патувањето со децата.

Алкотестот покажал дека возачот имал 1,22 промили алкохол во
крвта, поради што веднаш бил исклучен од сообраќај и ќе биде пријавен за
прекршок.

Утврдено е дека автобусот е технички исправен и безбеден за
возење.

За да можат децата безбедно да стигнат до патувањето,
пијаниот возач бил заменет со друг возач, пренесува Index.hr.

фото: Unsplash