MОЖНО Е ДА ИМА НЕДОСТИГ ВО СВЕТОТ: Ова се пет важни намирници
На пет намирници им се заканува недостиг во светот.
Недостиг на ориз може да има во втората половина на оваа година. Светските резерви на ориз се уништени од руската инвазија на Украина, но и од екстремните временски услови во земјите кои произведуваат големи количини од оваа храна, како Кина и Пакистан.
Можно е некои други фактори да влијаат на понудата на ориз. Повторно се појави феноменот Ел Нињо кој предизвикува атипично затоплување на површината на водата во источниот дел на Пацификот, предизвикувајќи уште поекстремни временски услови во многу земји.
Проблемот со тестенините во Италија стана толку лош лани што владата мораше да се состане на кризни разговори во мај за да ја запре натамошната ескалација. За време на тие итни разговори, официјалните лица открија дека проблемот е предизвикан од зголемените цени на состојките како житото, но и повисоките трошоци за пакување и логистика.
Целокупното зголемување на цените го почувствуваа потрошувачите ширум земјата, при што некои делови од Италија известија дека цената на тестенините се зголемила за повеќе од 50 проценти.
Какаото е толку многу барано што во еден момент цените на чоколадите во Њујорк беа највисоки во последните 12 години, а на некои места дури и ги надминаа тие нивоа, како на пример во Лондон.
Одгледувањето на какаото зависи од вештачките ѓубрива, што значи дека проблемот со снабдувањето со оваа храна е предизвикан од руската инвазија на Украина, што предизвика пад на извозот на ѓубрива.
Климатските промени ја влошија ситуацијата: минатогодишните суши влијаеја на жетвата, а дополнителна закана е Ел Нињо. Овој феномен предизвикува суво време низ Западна Африка, вклучувајќи ги областите на Гана, Камерун, Нигерија и Брегот на Слоновата Коска. Дури 75 отсто од светското производство на какао доаѓа од тие држави, пишува магазинот „Тајм“.
Поради лошите услови во Индија, намален е извозот на шеќер од Индија.
Рибарите во Калифорнија и Алјаска забележаа значителен пад на популацијата на лосос во текот на изминатата година, особено кај кралот лосос, еден од најголемите и најздравите видови лосос.
Цената на брашното веќе е зголемена за 8,5 отсто во однос на минатата година, покажува индексот на потрошувачки цени во САД, а аналитичарите предвидуваат дека Американците и следната година ќе ги трпат последиците од недостигот на брашно. Ова може да создаде дополнителни проблеми со недостиг на други видови храна, вклучувајќи леб, палачинки, тесто за пица, бисквити и пекарски производи.
foto freepik.com/EugenePetrunin
