„Можеме да го победиме чудовиштето – диктаторите не одат на одмор“
Украинскиот претседател Володимир Зеленски изјави во петокот дека „вештачкиот“ недостаток на оружје со кој се соочува Киев само ја зајакнува позицијата на рускиот претседател.
Зеленски ова го изјави на безбедносната конференција во Минхен, еден ден откако неговата војска се повлече од Авдејевка.
„Одлука на професионалци беше да се спасат што повеќе животи на Украина“, рече Зеленски и предупреди дека малиот град Домбас е доказ за тоа што може да се случи ако Украина остане без оружје.
Заблагодарувајќи им се на САД и Европа за досегашната помош, тој ги повика и да направат повеќе. „За жал, држењето на Украина во состојба на „вештачки“ недостиг на оружје, особено артилерија и способности со долг дострел, му овозможува на Путин да се прилагоди на сегашниот интензитет на војната. Ова само-слабеење на демократијата со текот на времето ја поткопува нашата заедничка решителност“. – рече Зеленски.
Заземањето на Авдеевка претставува најголема промена на фронтот откако московските трупи го зазедоа Бахмут во мај 2023 година.
Зеленски рече дека најважното нешто што сега можат да направат сојузниците е да испратат дополнителни пакети оружје и системи за противвоздушна одбрана. „Не прашувајте ја Украина кога ќе заврши војната. Запрашајте се зошто Путин може да ја продолжи“, рече Зеленски.
„Украина може да победи, а Русија може да загуби. Нашите можности се ограничени само со бројот на оружје, но не можеме да влијаеме на тоа“, рече тој откако неговата земја се спротивстави на руската агресија 725 дена.
Украина се соочува со хроничен недостиг на оружје, а американската воена помош е блокирана во Конгресот со месеци. Републиканците кои го блокираат пакетот од 60 милијарди долари се поддржани од Доналд Трамп, кој најверојатно ќе се соочи со актуелниот претседател Џо Бајден, силен поддржувач на Украина, на ноемвриските избори.
„САД направија многу за нас. Конгресмените мора да разберат дека можеме да ја победиме Русија само заедно. Ќе победиме, со нив или без нив, имаме само една земја, Украина“, нагласи украинскиот претседател.
Тој повторно го покани Трамп да дојде во Украина и да се запознае со ситуацијата на теренот. Јавно го поканив, но зависи од неговите желби. Ако дојде господинот Трамп, јас сум подготвен да одам на бојното поле со него“, рече Зеленски.
