Москва одговори на 12-тиот пакет санкции на ЕУ: Проширена листа на европски претставници на кои им е забранет влез во Русија
Москва значително го прошири списокот на претставници на европските институции и земјите-членки на ЕУ на кои им е забранет влез на руска територија како одговор на 12-тиот пакет антируски санкции што ЕУ ги воведе вчера, соопшти денеска руското Министерство за надворешни работи.
„Европската унија продолжува со неуспешните обиди да изврши притисок врз Русија преку еднострани рестриктивни мерки. На 18 декември земјите од ЕУ го усвоија 12-тиот пакет санкции и како одговор на овие дејствија, кои се непријателски, нелегитимни и ги поткопуваат меѓународните правни прерогативи на Советот за безбедност на ОН, руската страна значително го прошири списокот на претставници на европските институции и земјите членки на Европската унија, чиј влез на територијата на нашата земја е забранет во согласност со Федералниот закон за постапката за напуштање на Руската Федерација и влез во Руската Федерација“, се вели во соопштението на Министерството.
Претставници на агенциите за спроведување на законот и комерцијалните организации на земјите од ЕУ и граѓани на ЕУ кои се „одговорни за давање воена помош на неонацистичкиот режим во Киев“ се меѓу оние на кои им е забранет влез во Русија, додаде Министерството, а пренесе ТАСС.
„На сите непријателски дејства на западните дејства ќе продолжат да се реагира навремено и соодветно“, се додава во соопштението.
