Монако е трет патник на фајнлфорот во Евролигата во Каунас
Џордан Лојд со осум поени во низа и Донта Хал со четири во последните пет минути на Монако му обезбедија џиновска серија од 12-2, па негативата од три поени (76-79), ја претворија во позитива од седум (88-81) за да исчекорат кон победата, па во завршните две ипол минути, со серија слободни фрлања само го заверија триумфот и го обезбедија завршниот турнир во најсилната лига на Стариот континент.
Макаби влезе во мечот исклучително расположен, во првиот период даде 33 поени, имаше плус седум, но Монако одговори со цврста одбрана и подобра втора четвртина која ја доби со 27-16 за да замине на пауза од плус три, па во многу тесниот втор дел, пресуди на крај одличната серија во последните пет минути од мечот.
Лојд со 21 поен, како и Мајк Џејмс со ист кошгетерски учинок беа двајцата предводници на Монако, а Хал и Чима Моенке додадоа по десет поени. Кај Макаби, Вејд Болдвин имаше 27 поени и шест скока, а Лоренцо Браун и Џарел Мартин додадоа по 12.
