Момчиња истепале дете од Кина во српско училиште, тоа донело нож

Уште еден случај на врсничко насилство е регистриран во Србија. 

Во ОУ „Бранко Радичевиќ“ во Нов Белград, еден од родителите на учениците за „Блиц“ тврди дека две деца претепале момче од кинеска националност во соблекувалната за време на физичко образование, а тој следниот ден донел нож во училиште. Родителот рекол дека две паралелки од седмо одделение имале заеднички час по физичко и дека за тоа време момчето, кинески државјанин, останало во соблекувалната и играло на телефон.

Потоа, како што тврди таа, дошле три момчиња, едното го држело додека другото го тепало. Момчето, наводно имало хемиско пенкало во раката и бранејќи се избодело едно од момчињата во кошулата.

Родителот понатаму вели дека ученикот од Кина следниот ден дошол на училиште со нож и им го покажал на соучениците. Но, тоа не бил единствен случај. Детето и претходно трпело насилство. 

Директорката Сузана Липиќ, вели дека истрагата е во тек, и дека „училиштето нема да игнорира ниту една насилна ситуација“. На 3 мај годинава во училиште во Белград се случи масакр, при што загинаа 10 луѓе. Масакрот го изврши 13 годишно дете.