Момчето кое за 18 секунди ѝ побегна на Барса во јануари, сепак доаѓа – утре!
Араухо доаѓа утре, меѓутоа во Барселона Б, бидејќи првиот тим, се разбира, нема право повеќе да регистрира нови играчи. Тој беше желба на Чави Ернандес како освежување на десната бековска позиција, меѓутоа Барса не успеа да го купи од бизарна причина, затоа што задоцни 18 секунди по трансфер рокот, поради компјутерска грешка.
Случајот беше разгледан од ФИФА и премнот на Араухо е дозволен, меѓутоа сезонава ќе ја доврши во Барселона Б, чиј тренер е еден друг Мексиканец, легендата Рафа Маркес. Араухо дури налето ќе му се стави на располагање на Чави, токму кога ќе истече договорот на актуелниот прв десен бек, Серџи Роберто.
ЛА Галакси ќе инкасира четири милиони евра за фудбалерот кој во своите редови го зеде во 2018 година. Интересно е дека 18-годишниот Араухо, сепак потекнува од школа на Барселона, поточно од прекуокеански огранок на Ла Масија, во Каса Гранде, во Аризона. Оттаму преминал во ЛА Галакси, со идеја еден ден да дојде во сениорскиот тим на Барса. Станува збор за тинејџер, кој е роден во Калифорнија, но по потекло е Мексиканец. Ги минал сите младински категории на американската репрезентација, но на крај решил во сениорските води да го претставува Мексико, па има и три настапи за националниот тим.
