„Модуларната болница изгоре поради лоши материјали, за само 3 минути беше во пламен“, вели Трпковски

Бобан Трпковски, инструктор за заштита од пожари, во емисијата „Daily Click“ на ТВ21 истакна за важноста на правилната изградба на објектите и примена на стандардите за безбедност од пожари.

Тој вели дека законите јасно пропишуваат што треба да се вградува во објектите за да се минимизира ризикот од проширување на пожарот.

„Законите многу се јасни што треба да се вгради во објекти, колку треба да има противпожарни бариери, врати, со какви се материјали за да издржи 1 час пожарот да не се проширува“, вели Трпковски.

Тој вели дека во случајот со модуларната болница во Тетово која беше зафатена од пожар и загинаа 14 лица, ситуацијата била сосема спротивна на стандардите.

„Во случајот со модуларната болница е сосема спротивно, тоа е направено од панел плочи кои меѓу себе имаат пур-пена, и самото име пур значи нешто што брзо гори… Тука во болницата не дека немало противпожарни бариери, имало големо присуство на кислород, еден од оксидантите кои го забрзува горењето, и затоа по примениот повик ние бевме таму некаде 20:10 минути, за пет минути стигнавме, за неполни 3-5 минути беше во целосен пламен и немаше никакви шанси оние кои беа потешко болни да се евакуираат настрадаа“, вели Трпевски.