Модно студио од Битола и тазе фирма од Скопје за 3,8 милиони евра ќе кројат униформи за специјалната полиција!
Модно студио од Битола и нова фирма со српски сопственик добија тендер од 3,8 милиони евра за полициски униформи, пишува 360 степени.
Малото модно студио „Ле Бранд“ од Битола, со скромни приходи и само двајца вработени, заедно со штотуку регистрирана компанија со име Памитекс тим ДООЕЛ чиј сопственик е од Србија, добија тендер од 3,8 милиони евра за набавка на униформи за специјалните полициски единици.
И покрај тоа што станува збор за висока сума и стратешки значајна јавна набавка, избраните фирми немаат богато искуство во изработка на ваков вид опрема, ниту досега имаат реализирано договори од слични размери.
Овој случај го отвора прашањето за критериумите и транспарентноста при доделување на јавните набавки, особено кога се работи за опрема наменета за безбедносни сили.
