МОЌНИТЕ БРЕНДОВИ СИ ГИ ПАЛАТ ОБЛЕКАТА И ГАЏЕТИТЕ, САМО ЗА ДА НЕ ИМ ПАДНЕ ЦЕНАТА – еве што им „спреми“ Европскиот парламент
Европскиот парламент со големо мнозинство усвои нови правила за производи со еколошки дизајн со кои се забранува уништување на непродадена облека, обувки и електронски уреди. На забраната работеше и хрватската европратеничка Билјана Борзан.
До 2022 година во ЕУ беше изгореа нова облека, обувки и електроника во вредност од 21,7 милијарди евра. Ако ништо не се преземе, според проценките, оваа бројка ќе порасне на 71,3 милијарди до 2030 година.
„Во однос на облеката, брендови кои се поврзуваат со такви практики се H&M и Zara поради растот на онлајн купувањето. И луксузните брендови како Бурбери согоруваат непродадена стока за да ги задржат високите цени на нивните производи“, објаснува Борзан.
Секоја година ЕУ согорува меѓу 11 и 32 милиони нови маици со кратки ракави, а само тој еден производ за облекување троши 35 милијарди литри вода, 12.300 тони памук и 1,9 милиони литри нафта.
„Забрануваме трошење ресурси за да се задоволи нечија алчност. Пред две години во Шкотска беше откриено дека Амазон уништува 130.000 нови лаптопи, дронови и разни електрични апарати за домаќинство кои не се продадени или вратени на неделно ниво. Веројатно процениле дека им е поевтино да го запалат отколку да го донираат. Затоа воведуваме посебна забрана и за електронските уреди“, рече Борзан.
Новиот предлог носи и воведување дигитален пасош за производите. Така, секој потрошувач ќе може лесно да дознае детали за производот што го купува, како што се потеклото, опциите за поправка и рециклирање, влијанието врз животната средина или штетните хемикалии.
Пословни.хр
