„МНОГУ ВИ БЛАГОДАРАМ, НО РОПСТВОТО ОДАМНА Е УКИНАТО“: Врвна дестинација во Европа е очајна за работници
Шпанија се
соочува со недостиг на работна сила, па рестораните би можеле да го намалат
бројот на достапни трпези за Велигден, пренесува Poslovni.hr.
– Луѓето
претпочитаат да бараат работа во други сектори, бидејќи во угостителството се
работи прекувремено, нема слободни викенди, па тешко е тоа да се усогласи со
семејниот живот – објаснуваат од синдикатот.
Директорот на
агенцијата за вработување во Севиља, Рафаел Торибио, истакнува дека рестораните
се соочуваат со страшен недостиг на работна сила. Во крајбрежниот град Аликанте
се проценува дека објектите ќе бидат полни 90 отсто, но и дека нема да има кој
да ги опслужува.
– Едноставно
немаме доволно вработени – вели потпретседателот на локалното угостителско
претпријатие АПЕХА.
Стравувајќи дека
проблемот може да се прелее и во летната сезона, некои градови предлагаат да се
донесат работници од соседно Мароко. Сепак, од синдикатот посочуваат дека
проблемот не е недостатокот на работна сила, туку несоодветните услови за
вработување.
Шпанската
агенција објави кореспонденција од страницата „Јас сум келнер“ на Твитер.
Еден од
раководителите на угостителскиот објект наведува дека платата е од 1.000 до
1.100 евра, а работното време е од 11 до 17 часот и од 20 до половина час по
полноќ.
– Ви благодарам
многу, но ропството во Шпанија е укинато во 1837 година – напиша лице кое се
интересирало за условите за работа.
ФОТО: EPA-EFE/Toni Albir
