Многу тепачки на Голема Богородица, најчудна таа на Водно
Повеќе тепачки нотира полицискиот билтен за вчерашниот празничен ден, Голема Богородица. Повеќемина се повредени.
Но, најчудна од сите е онаа што се случила во угостителски објект на Средно Водно, на пладне,каде се тепале Д.С.(40) и 15-годишен малолетник од една страна и Т.Н.(61), С.А.(82) и Д.А.(60) сите од Скопје од друга страна. Што предизвикало тепачка меѓу малолетник и старец, не е појаснето. По целосно документирање на случајот ќе следува соодветен поднесок.
Утрово пак, во 4.30 часот во СВР Скопје 29-годишна жена пријавила дека околу 00.00 часот во домот во скопско село била физички нападната од нејзиниот сопруг В.К.(32) од Скопје, кој употребил и тврд предмет. Се преземаат мерки за расчистување на случајот.
Вчера, во 13:00 часот во СВР Скопје е пријавено дека на подрачјето на Шуто Оризари бил нарушен јавниот ред и мир со физичка пресметка помеѓу Т.Ф.(56) и А.С.(41), двајцата од Скопје. По целосно документирање на случајот ќе следува соодветен поднесок.
На 28.08.2025 во 16:30 часот на Граничниот премин Долно Блаце, на излез од државата полициски службеници го лишиле од слобода Т.К.(36) од Р.Хрватска поради тоа што при извршена гранична контрола констатирано било дека истиот евидира со мерка „апси“ по барање од СВР Скопје. Имено, истиот ден околу 09.00 часот во домот на подрачјето на Центар физички ја нападнал неговата 38-годишна сопруга. По целосно документирање на случајот ќе следи соодветна кривична пријава.
Во 23.26 часот во СВР Штип, О.Т. (47) од Велес пријави дека нејзиниот син П.Т. (22) за време на одржување на турнир во мал фудбал на спортско игралиште во село Лозово, бил физички нападнат од Г.Н. (45). Се преземаат мерки за расчистување на случајот.
