ММФ: Светскиот економски раст ќе забави, годинава само до три отсто
Меѓународниот монетарен фонд предвидува дека економскиот пад на пазарите и економиите во развој ќе биде значително помал, од 4,1 отсто во 2022 година на 4,0 отсто во 2023 и 2024 година.
Глобалниот економски раст ќе забави од 3,5 отсто минатата година на 3,0 отсто во 2023 година и на 2,9 отсто следната година, се вели во прогнозата на Меѓународниот монетарен фонд (ММФ).
Глобалното економско закрепнување од пандемијата на коронавирус е слабо и нерамномерно, со значителни регионални разлики, а економската активност останува под нивото пред пандемијата.
Причините за бавното закрепнување се повеќекратни, од долгорочните последици од пандемијата, војната во Украина и гео-економската фрагментација, до причините од циклична природа, како што се ефектите од затегнувањето на монетарната политика или екстремните временски услови, ММФ кажа.
Очекуваат дека развиените економии ќе го забават економскиот раст од 2,6 отсто во 2022 година на 1,5 отсто во 2023 година и 1,4 отсто во 2024 година, кога ќе се почувствуваат ефектите од заострувањето на монетарната политика.
ММФ прогнозира дека економскиот пад на пазарите и економиите во развој ќе биде значително помал, од 4,1 отсто во 2022 година на 4,0 отсто во 2023 и 2024 година.
Глобалната стапка на инфлација ќе падне од 8,7 отсто во 2022 година на 6,9 отсто во 2023 година и на 5,8 отсто во 2024 година, но во повеќето случаи таа нема да се врати на посакуваниот опсег до крајот на 2025 година, наведува ММФ.
Годишниот состанок на Светска банка и ММФ почна во понеделник во мароканскиот град Маракеш и ќе трае до 15 октомври.
На собирот присуствуваат министрите за финансии и гувернерите на централните банки од повеќе од 190 земји.
