Млада Хрватка се породи по трансплантација на срце

Хрватка се породи по трансплантација на срце.

Марија Маршиќ Јакиќ од Метковиќ, која има 24 години, роди син по успешна трансплантација на срце. Taa e една од двете жени во Хрватска кои се породиле и покрај тоа што имала трансплантирано срце,

„Се започна во 2013 година со болки во грлото. Потоа дојде вирусот стрептокок кој ги нападна белите дробови и срцето. Една година се лекував во Сплит, кога видоа дека состојбата се влошува и ме испратија во Загреб. Таму веднаш ми рекоа дека морам да бидам на списокот за итна трансплантација, а на 06.06.2014 пристигна срце од Австрија“, изјави таа, пишува Индекс.

Сопругот го запознала во 2021 година. Oд него има голема поддршка. 

„Мојот сопруг и јас се запознавме преку заеднички пријатели. Тоа беше љубов на прв поглед и оттогаш сме неразделни. Тој ми дава голема поддршка во животот и се грижи за моето здравје понекогаш повеќе од мене. Тој е многу горд на мене и секогаш е со мене. Тој ми беше испратен како дар од небото“, вели Марија. 

Била дете без родители и била разочарана кога лекарите кажале дека е ризично да има дете. Но, нејзиниот сон се оствари.