Митровски и втор меч по ред даде гол, но Вараждин го прокоцка водството! (ВИДЕО)
Митровски (24) беше тој што го отвори резултатот, во 19. минута, откако противничкиот голман направи едно лошо исфрлање на топката. Митровски ја пречека на околу 18 метри и со волеј ја смести во празната мрежа.
Водството беше удвоено по само три минути, а Вараждин не запре ни на стартот на вториот дел, кога домаќините намалија на 2-1. Бродиќ со својот втор погодок зголеми на 3-1 и изгледаше оти победата е на дофат. Сепак, Стојковиќ со головите во 71. и во 79. минута изедначи на 3-3 и им донесе бод на домаќините.
Митровски беше изваден од игра по примениот гол за 2-3, а пред изедначувањето. Ова беше негов трет меч и втор гол во новата сезона за Вараждин, кој го запиша и третото реми во три кола од хрватската фудбалска лига. Пред да биде одиграно комплетното трето коло, се наоѓа на шестата позиција со три бода, еден повеќе од вечерашниот ривал.
🇲🇰⚽️ Dimitar Mitrovski on the scoresheet for Varazdin, the second game running.
A goal that sums up Mitrovski, pure technique.
Mitrovski needs to be in the National Team come September. The answer to our right winger issues.
— Football Macedonia (@MacedonianFoot_) August 4, 2023
