Митилинеос одбиен на аукција за батериски системи во Грција
Седум компании добија владина поддршка за 11 самостојни проекти за батерии на втората аукција за складирање електрична енергија во Грција, каде што беа понудени грантови за капацитет од 300 мегавати.
Треба да се напомене дека седум понуди се одбиени од причини поврзани со документација и барања за дополнителни услови. Тие припаѓаат на Mytilineos, Elpedison и BayWa.
Понудата на CNI за објект во Ливадија беше најниската: 44.100 евра по мегават годишно. Највисоката, од 49.917 евра по MW годишно, беше за батериската низа на Terna во Теба. Просекот беше 47.680 евра по MW годишно.
За споредба, просечната понуда на првата аукција, завршена лани, беше 49.748 евра за мегавати годишно.
Последната рунда се смета за успешна и покрај тоа што грантот што го обезбеди Владата во Грција беше намален од 200.000 евра по мегават на 100.000 евра по мегават.
Третата аукција за складирање се очекува во следните месеци, со цел вкупниот капацитет во Грција за складирање на струја да достигне 1.000мегавати.
На Грција и се потребни батериски системи за да не ја губи струјата од обновливите извори на енергија кога таа ќе се произведува повеќе од што е потребно, односно кога побарувачката е помала.
Извор: Balkan Green Energy News
